कोरोनाको तेस्रो लहर : बेलायतमा गत वर्षको फेब्रुअरी यताकै उच्च संक्रमित अस्पताल भर्ना
हाम्रा कुरा
प्रकाशित २०७८ पुष २२ बिहिबार
654
Shares
काठमाडौं । बेलायतमा कोरोना भाइरसबाट संक्रमित भएर अस्पताल भर्ना हुनेको सङ्ख्या गत वर्षको फेब्रुअरी यताकै उच्च पुगेको छ । अत्यधिक संक्रामक नयाँ भेरियन्ट ओमिक्रोनको संक्रमण विश्वभर फैलिरहेका बेला स्वास्थ्य क्षेत्रमाथि फेरि सङ्कट थपिन लागेको हो ।
ओमिक्रोन भेरियन्ट कम घातक छ भन्ने तथ्यलाई समेत बेलायतमा अस्पताल भर्ना हुनेहरूको तथ्याङ्कले चुनौती दिएको छ । संक्रमण बढ्न थालेसँगै विश्वभरका देशहरूले कडाइका साथ नियमन गर्न सुरु गरिसकेका छन् ।
भारतमा चुनावी र्यालीहरू रद्द गरिनुका साथै गुजरातमा हुने भनिएको भाइब्रेट समिट समेत स्थगित भइसकेको छ । चीन शून्य कोभिड नीतिका साथ अघि बढी रहेको छ ।
हङकङले अमेरिका, बेलायतलगायतका ८ देशहरूबाट यात्रामा प्रतिबन्ध लगाइसकेको छ । नेपालमा पनि पछिल्ला केही दिनयता कोभिड-१९को संक्रमण बढ्दै गएको छ ।
