arrow

ओमिक्रोन फैलिएसँगै युरोपमा ह्वात्तै बढे संक्रमित, बुस्टर डोजले पनि थामेन

आठ साताभित्र युरोपको आधाभन्दा बढी जनसंख्या संक्रमित हुने चेतावनी

logo
सिन्ह्वा,
प्रकाशित २०७८ पुष २९ बिहिबार
omicron-virus.jpg

बर्लिन । कोभिड-१९ को नयाँ भेरियन्ट ओमिक्रोन फैलिएसँगै युरोपका विभिन्न देशमा संक्रमण दर ह्वात्तै बढेको छ ।  युरोपका धेरै देशमा पछिल्लो समयमा कोरोनाको संक्रमण बढ्दै गएको विश्व स्वास्थ्य सङ्गठन (डब्लूएचओ) ले जनाएको छ । सो संगठनले आगामी आठ साताभित्र यूरोपको आधाभन्दा बढी जनसंख्यामा कोभिड संक्रमित हुने चेतावनी दिएको छ ।

युरोपका विभिन्न देशमा संक्रमण दर ह्वात्तै बढिरहेका बेला डब्लूएचओको चेतावनी आएको हो । पश्चिमबाट पूर्व फैलिएको ओमिक्रोनको लहरले सम्पूर्ण युरोप नराम्रोसँग प्रभावित भएको डब्लूएचओका हान्स क्लुगीले बताए ।
 
यता जर्मनीमा अहिले दिन प्रतिदिन कोभिड १९ का संक्रमितहरु बढ्दै गएको पाइएको छ । यहाँका स्वास्थ्य अधिकारीहरुले सो कुराको जानकारी दिएका छन् । ती अधिकारीहरुका अनुसार बुधबार मात्र यहाँ त्यस अघिको २४ घन्टामा ८० हजार ४३० जना संक्रमित भेटिएका छन् ।

यो संख्या यहाँ कोरोना भाइरसको संक्रमण सुरु भएदेखिकै एकै दिनमा देखिएको यो सबैभन्दा धेरै संख्या हो । यहाँका अधिकारीहरुले जर्मनीमा ठूलो संख्याका नागरिकले खोप लगाइसकेको बताएका छन् । उनीहरुका अनुसार यहाँ ७२ प्रतिशतभन्दा बढी नागरिकले दुवै मात्रा खोप लगाएका छन् ।

त्यस्तै यहाँका करिब तीन करोड ७० लाख नागरिकले खोपको बुस्टर डोज पनि लगाएका छन् । तर पनि पछिल्लो समयमा यहाँका ठूलो संख्याका नागरिकमा संक्रमण बढ्दै गएको पाइएको छ । 



लोकप्रिय समाचार
लोकप्रिय समाचार
नयाँ