-
-
-
-
काठमाडौं । भारतमा एकैदिन दुई लाख ६२ हजार बढी कोरोना भाइरसका संक्रमित भेटिएका छन् । बिहीबार २ लाख ६२ हजार २२ संक्रमित थपिएका हुन् । एक लाख ८ हजार ७०८ संक्रमितलाई निको भएको छ । ३१४ जनाको ज्यान गएको छ । सक्रिय संक्रमित बढेर १२ लाख ६५ हजार पुगेका छन् । यो अहिलेसम्मका सबै लहरमध्येकै भारतमा उच्च हो ।
गत बुधबार जनवरी १२ तारिखमा ७ महिनापछि पहिलो पटक ११ लाख ९ हजार सक्रिय संक्रमित भएका थिए । गत जुन ९ तारिखमा ११ लाख ६७ हजार ९५२ सक्रिय संक्रमित थिए ।
भारतमा अहिलेसम्म ३ करोड ६५ लाखलाई कोरोना भइसकेको छ । ३ करोड ४८ लाखलाई निको भएको छ । अहिलेसम्म ४ लाख ८५ हजार ३४९ जनाको ज्यान गइसकेको छ ।
कोरोनाको नयाँ भेरियन्ट ओमिक्रोन तीव्र गतिमा फैलिएसँगै संक्रमण ह्वात्तै बढेको छ ।
