भारतमा अहिलेसम्मकै बढी सवा १४ लाख सक्रिय संक्रमित, एकैदिन दुई लाख ६७ हजारलाई कोरोना
हाम्रा कुरा
प्रकाशित २०७८ माघ १ शनिबार
216
Shares
काठमाडौं । भारतमा शुक्रबार एकैदिन २ लाख ६७ हजार ३४५ कोरोना भाइरसका संक्रमित थपिएका छन् । यो संख्या तेस्रो लहर शुरु भएदेखिको सबैभन्दा बढी हो । बिहीबार बिहीबार २ लाख ६४ हजार २०२ संक्रमित थपिएका थिए ।
शुक्रबार ४३० जनाको ज्यान जाँदा १ लाख १३ हजार ४०३ जनालाई निको भएको छ । सक्रिय संक्रमित अहिलेसम्मकै बढी भएका छन् । हाल भारतमा १४ लाख २५ हजार ५८१ जना सक्रिय संक्रमित रहेका छन् ।
यो संख्या अहिलेसम्मकै सबैभन्दा बढी हो । पहिलो र दोस्रो लहरमा पनि १४ लाख सक्रिय संक्रमित पुगेका थिएनन् । अहिलेसम्म भारतमा ३ करोड ६८ लाख संक्रमित भइसकेका छन् ।
३ करोड ४९ लाखलाई निको भएको छ भने ४ लाख ८५ हजार ७४८ जनाको ज्यान गइसकेको छ ।
भारतमा १५ दिनमा कूल सक्रिय घटना १४ गुणा भएको छ । संक्रमण दर १ हजार २४६ प्रतिशतले बढेको छ ।
कोरोनाको नयाँ भेरियन्ट ओमिक्रोन तीव्र गतिमा फैलिएसँगै संक्रमण ह्वात्तै बढेको छ ।
