सीसीपीले कठोर कानून लगाउँदा ताइवानमा हङकङका आप्रवासीको वृद्धि

हाम्रा कुरा

प्रकाशित २०७८ माघ ४ मंगलबार

काठमाडौं । लोकतान्त्रिक टापु ताइवानले भूतपूर्व बेलायती उपनिवेशबाट मुक्त भएको हङकङबाट सबैभन्दा ठूलो आप्रवासी लहरको सामना गरिरहेको छ। सत्तारुढ चिनियाँ कम्युनिष्ट पार्टी (सीसीपी) ले नागरिक समाज, सार्वजनिक असन्तुष्टि र एक कठोर कानून अन्तर्गत राजनीतिक विरोधीहरुलाई नियन्त्रणमा लिने र यातना दिने अभियान चलाइरहेको समयमा ताइवानमा हङकङ आप्रवासीको संख्यामा तीव्र वृद्धि भएको छ।

ताइवान अध्यागमन विभागको पछिल्लो तथ्याङ्कले सन् २०२१ मा ताइवानमा बसाइँ सर्ने हङकङका बासिन्दाहरूको सङ्ख्या नयाँ उचाइमा पुगेको देखाएको ताइवानको मेनल्याण्ड अफेयर्स कमिसन (एमएसी) का प्रवक्ता चिउ चुइ चेङले पत्रकारहरूलाई बताए ।

ताइवानको आन्तरिक मन्त्रालयले जनवरी र नोभेम्बरकोबीच हङकङका ९ हजार ७७२ बासिन्दाहरूलाई निवासी कार्डहरू हस्तान्तरण गरेको छ। सन् २०२० को यही अवधिमा ९ हजार ५०१ जनालाई वितरण गरिएको थियो।

गत वर्षको सोही अवधिमा १,३९७ को तुलनामा यस वर्ष १,५७२ हङकङवासीलाई स्थायी बसोबास प्रदान गरिएको थियो।

ताइवानले हङकङबासीका लागि नियमका केही मस्यौदा परिमार्जन गरेको छ। प्रतिभा भर्ति नियमहरू अनुरूप विद्यार्थीहरूका लागि उनीहरूको स्नातकोत्तर र डक्टरेट डिग्रीहरू पूरा गरेपछि बस्ने अवधि विस्तार गर्ने सुविधा प्रदान गरिएको प्रवक्ता चिउले जानकारी दिए।

चीनले हङकङमा राष्ट्रिय सुरक्षा कानून जारी गर्दै विरोधीहरुलाई नियन्त्रणमा लिने र जेल हाल्ने अभियान चलाएपछि सन् २०१९ को प्रजातन्त्र समर्थित आन्दोलनमा सहभागी भएकाहरु मुलुक छोडेर छिमेकी ताइवान जान लागेका हुन् ।