स्विडेन र फिनल्याण्ड नाटोमा आबद्ध भए आणविक हतियार तैनाथ गर्छौँ : रुस

एजेन्सी,

प्रकाशित २०७९ वैशाख ४ आइतबार

किभ। रुसले स्विडेन र फिनल्याण्ड अमेरिकी नेतृत्वको सैन्य गठबन्धनमा सामेल भएमा रसियाले आणविक हतियार र हाइपरसोनिक मिसाइलहरू तैनाथ गर्ने चेतावनी दिएका छन्। रुसी राष्ट्रपति भ्लादिमिर पुटिनका निकट सहयोगी दिमित्रि मेदभेदेवले यस्तो चेतावनी दिएका हुन्।

रुससँग एक हजार ३०० किलोमिटर सीमा जोडिएको फिनल्यान्ड र अर्को युरोपेली देश स्विडेनले नेटो गठबन्धनमा आबद्ध हुने योजनामा छन्।

रुसी सुरक्षा परिषद्का उपाध्यक्ष दिमित्रि मेदभेदेवले स्विडेन र फिनल्यान्ड नेटोमा आबद्ध भएमा रुसले बाल्टिक सागरमा आफ्नो स्थल, नौ सैनिक र वायु सेना बलियो बनाउने बताए।