भारतको पहिलो अन्डरवाटर मेट्रो सुरुङ कोलकातामा बन्दै, २०२३ मा तयार हुने
हाम्रा कुरा
प्रकाशित २०७९ वैशाख ८ बिहिबार
1.1k
Shares
फाइल तस्बिर
नयाँ दिल्ली। हावडा र कोलकाताबीच मेट्रो सम्पर्क स्थापना गर्न कोलकातामा हुग्ली नदी मुनि भारतको पहिलो पानीमुनिको सुरुङ निर्माण भइरहेको छ। यसको निर्माण कार्य सन् २०२३ सम्म पूर्ण रूपमा सम्पन्न गरिने भएको छ।
१६ दशमलव ६ किलोमिटर लामो पूर्व–पश्चिम खण्डमध्ये ५२० मिटरको सुरुङ नदी मुनि हुनेछ। सुरुङ कोरिडोर नदीको किनारबाट ३३ मिटर तल बनाइएको छ र यसले कोलकातालाई हावडासँग जोड्नेछ।
कोलकाता पूर्व-पश्चिम मेट्रो लाइन कोलकाता मेट्रो रेल कर्पोरेशन (केएमआरसीएल) द्वारा निर्माण भइरहेको छ र यो हुगली नदी मुनि जाने पानीमुनिको सुरुङ हो।
परियोजनामा प्रदान गरिएको सुविधा र सुरक्षा उपायहरूको बारेमा साइट सुपरभाइजर मिथुन घोषले एएनआईसँग कुरा गर्दै आपत्कालीन अवस्थामा यात्रुहरूलाई बाहिर निकाल्नका लागि सुरुङहरूमा पैदल मार्गहरू हुने बताए।
‘पानी सुरुङ क्षेत्रमा प्राविधिक समस्या आएमा विशेष प्याकेजबाट यात्रुलाई बाहिर निकाल्न सकिने अवस्थालाई ध्यानमा राखेर महत्त्वपूर्ण प्याकेजको काम पनि गरिएको छ,’ मिथुनले भने।
उनले पूर्व-पश्चिम हावडा मेट्रो स्टेसनको लगभग ८० प्रतिशत काम पूरा भएको र २०२३ बाट पूर्ण सेवा सुरु हुने अपेक्षा गरिएको छ।
हुग्ली खोलामुनि ३३ मिटर गहिराइमा स्टेसन निर्माण भइरहेको छ। ८० प्रतिशत काम सकिएको छ भने २० प्रतिशत काम बाँकी छ। सन् २०२३ सम्ममा काम सम्पन्न गरिने घोषले बताएका छन्।
