बेइजिङमा शून्य–कोभिड नीति : कठोर उपायहरूको चपेटा झेल्नु पर्ने त्रासमा नागरिक
एएफपी,
प्रकाशित २०७९ वैशाख २६ सोमबार
822
Shares
फाइल तस्बिर
बेइजिङ। चीनको राजधानी बेइजिङमा कोभिडको प्रकोपलाई रोक्ने प्रयास क्रममा सोमबार लाखौँ मानिस घरमै बसेका छन्। बेइजिङका बासिन्दाहरू चाँडै नै उही कठोर उपायहरूको चपेटामा पर्न सक्ने त्रासमा रहेका बताइएको छ। हाल सांघाई सहरमा २ करोड ५० लाख व्यक्ति धेरै हप्तासम्म घरमा नै फसेका छन्। अझै पनि सांघाई सहरमा तालाबन्दी तीव्र भएको छ।
पूर्वी पावरहाउस शहरले महामारी सुरु भएदेखि नै चीनको सबैभन्दा खराब प्रकोपविरुद्ध आफ्नो लडाई जितेको त्यहाँका अधिकारीहरूले बताएका छन्। बेइजिङले हालैका हप्ताहरूमा कोरोना सङ्क्रमणका सयौँ व्यक्तिहरू भेटिएका छन्। सोमबार बेइजिङमा ४५ जना नयाँ कोभिड सङ्क्रमण पुष्टि भएको छ। यो अपेक्षाकृत सानो सङ्ख्या हो। तर प्रतिबन्धहरू हलचल गर्न पर्याप्त भएको बताइन्छ।
चीनमा ओमिक्रोन भेरिएन्टको वृद्धि भएको असर सांघाई सहरमा अत्यधिक रूपमा परेको जनाइएको छ। यस सहरमा कोरोना आक्रमणको कारण ५०० भन्दा बढीको मृत्यु भएको आधिकारिक तथ्याङ्कले जानकारी दिएको छ।
