काठमाडौं । जनता समाजवादी पार्टी जसपा अध्यक्ष उपेन्द्र यादवले बोलाएको केन्द्रिय कार्यकारिणी समिति बैठकमा संघीय परिषदका अध्यक्ष डा. बाबुराम पक्षधर भने अनभिज्ञ रहेको छ । आगामी २७–२८ असारमा बोलाइएको केन्द्रिय कार्याकारिणी समितिको बैठकमा असन्तुष्ट भट्टराई पक्षधर अनभिज्ञ रहेको हो ।
‘केन्द्रिय कार्यकारिणी समितिको बैठक बोलाईयो भन्ने सुनेको छु तर अहिलेसम्म खबर आएको छैन्,’ सांसदसमेत रहेकी केन्द्रिय कार्यकारिणी समितिका सदस्य अमृता अग्रहरीले भने, ‘उपेन्द्रजीले संसदीय दलको बैठक बोलाउँदा होस वा पार्टीको छलफल चलाउँदा होस कसैलाई बोलाउने कसैलाई नबोलाउनु गर्दै आएको भएको थियो, यही होला भनेर बुझौं ।’
ईमेल, मोवाइल म्यासेजमार्फत बैठकको जानकारी गराउँदै आउने चलन भए पनि अहिलेसम्म भट्टराई पक्षधरका नेताहरुले बैठकका बारेमा सुचना नपाए पछि यादव पक्षधर नेताहरुसँग चासो व्यक्त गरिरहेका छन् ।
उता, यादव पक्षधर नेता मनिष सुमनले भने बैठकमा बारेमा र्इमेल आएको जानकारी दिए । ‘मलाई चाँही बैठकमा उपस्थित हुनका लागि र्इमेल आएको थियो तर केही साथीहरुले कुनै खबर पाइएन भनिरहनु भएको छ, सायद बैठक आउन अझै केही दिन बाँकी रहेकाले पनि खबर आउन ढिलाई भएको होला’ सुमनले भने ।
