-
-
-
-
काठमाडौं । यसै वर्ष अष्ट्रेलियामा हुने आईसीसी पुरुष विश्वकप टी–२० क्रिकेटको ट्रफी भक्तपुरमा प्रदर्शन गरिएको छ । सोमबार नेपाल आइपुगेको विश्वकपको ट्रफी बुधबार भक्तपुर दरबार स्क्वायरमा प्रदर्शनीमा राखिएको हो ।
ट्रफी प्रदर्शनीमा नेपाली टिमका पूर्वकप्तान विनोद दास, खेलाडी शरद् भेषावकर, मेहबुब आलम, कप्तान रुबिना क्षेत्री र कलाकार सरोज खनाल लगायतको उपस्थिति रहेको थियो ।
नेपाल क्रिकेट संघ क्यानले उक्त ट्रफी सगरमाथाको आधार शिविरमा पुर्याइने जनाएको छ । क्रिकेटको विश्वकप ट्रफी नेपालमा दोस्रो पटक ल्याइएको हो । यसअघि सन् २०१८ मा एक दिवसीय विश्वकपको ट्रफी नेपाल ल्याइएको थियो ।
