नागरिकता विधेयकः राष्ट्रपति शान्त, प्रहरी र विद्यार्थीबीच ढुङ्गा हानाहान [बीस तस्बिर]

हाम्रा कुरा

प्रकाशित २०७९ भदौ २६ आइतबार

काठमाडौं । राष्ट्रपति विद्यादेवी भण्डारीको पुत्ला दहन गर्न खोज्दा नेपाल विद्यार्थी संघमा आवद्ध विद्यार्थी र प्रहरीबीच ढुंगा हानाहान भएको छ । घण्टाघरस्थित त्रिचन्द्र कलेज क्षेत्रमा राष्ट्रपति भण्डारीको पुत्ला दहन गर्न खोजेका विद्यार्थी र प्रहरीबीच आइतबार बिहान ढुंगा हानाहान भएको हो ।

नागरिकता विधेयक प्रमाणीकरण नगरी रोकेको भन्दै त्यसको विरोधमा विद्यार्थीले राष्ट्रपति भण्डारीको पुत्ला दहन गर्न खोजेका विद्यार्थीलाई रोक्न पुगेको प्रहरीबीच झडप भएको हो ।

राष्ट्रपतिले पहिलो पटक नागरिकता विधेयक प्रमाणीकरण नगरी संसदमा फिर्ता पठाएकी थिइन् । उनले पहिले संविधान अन्तर्गत रहेर विधेयक फिर्ता गरे पनि सुझाव भने आफूखुशी राखेकी थिइन् । तर दोस्रो पटक पनि पहिलेकोजस्तै हुबहु दुवै सदनबाट पारित भएर आइसकेको विधेयक राष्ट्रपतिले रोकेर राखेकी छिन् ।