-
-
-
-
काठमाडौं । नेपाली कांग्रेसका महामन्त्री गगनकुमार थापालाई काठमाडौं ४ बाटै उम्मेदवारी दिन दबाब बढेको छ । उनले हिजोमात्रै सर्लाही ४ बाट उम्मेदवारी दिने जनाएपछि सोही समाचार हाम्राकुराले राखेको थियो ।
उक्त समाचारपछि देशभरबाट उनलाई काठमाडौं ४ छाड्नु पर्ने परिस्थितिबारे फोन आएको थियो । त्यतिमात्र नभइ उनले दुई पटक प्रत्यक्षबाट जितेको क्षेत्र काठमाडौं ४ का नेता कार्यकर्तासँगै मतदाताले फोन गरेरमात्र नभइ भेटेरसमेत कुनै पनि हालतमा यो क्षेत्र नछाड्न दबाब दिएपछि उनी काठमाडौं ४ बाटै लड्न वाध्य भएका हुन् ।
पार्टीलेसमेत पनि उनलाई काठमाडौं ४ बाटै लड्न दबाब दिएपछि उनले सर्लाही ४ लाई निराश पारेका हुन् । गगन थापा सर्लाही ४ बाट चुनाव लड्ने खबरले भने सिंगो मधेस नै उत्साही भएको थियो ।
उनलाई आज स्वागत गर्नका लागि भव्य तयारीसमेत भएको थियो । उनलाई सर्लाही ४ बाट सर्वाधिक फराकिलो अन्तरले जिताउने दाबीसमेत नेताहरुले गरेका थिए ।
तर विभिन्न परिस्थिति मूल्यांकन गर्दै गगनले दबाब थेग्न नसकी काठमाडौं ४ बाटै उम्मेदवारी दिने मनस्थितिमा पुगेका हुन् ।
