मेलबर्नमा एक सय चालीस बढी भारतीय उत्पादकको ह्यान्डलूम र छालाका उत्पादन प्रदर्शन
हाम्रा कुरा
प्रकाशित २०७९ पुष ६ बुधबार
304
Shares
मेलबर्न । अष्ट्रेलियाको मेलबर्न कन्भेन्सन एण्ड एक्जिबिशन सेन्टरमा आयोजित अन्तर्राष्ट्रिय सोर्सिङ एक्सपोमा १४० भन्दा बढी भारतीय उत्पादकहरूले आफ्ना कपडा, ह्यान्डलूम र छालाका उत्पादनहरू प्रदर्शन गरेका छन् ।
यो एक्स्पोले अष्ट्रेलिया र न्यूजिीण्डका व्यापारिक खरिदकर्ताहरूलाई विश्वभरका निर्माता र आपूर्तिकर्ताहरूको विस्तृत श्रृंखलासँग जोड्दछ । कपडा, सामान र कपडामा ध्यान केन्द्रित गर्दै, यो एक्स्पोले उद्योग व्यवसायीहरूको लागि अन्तर्राष्ट्रिय सोर्सिङ, सिकाइ र नेटवर्किङको लागि प्रभावकारी तरिका प्रदान गरेको छ।
एक्स्पोमा भारतीय निर्यात प्रवर्द्धन परिषद् (एईपीसी), ह्यान्डलूम एक्स्पोर्ट प्रमोशन काउन्सिल (एचईपीसी) र काउन्सिल फर लेदर एक्स्पोर्ट (सीएलई) ले समर्थन गरेको फेडरेशन अफ इन्डियन एक्सपोर्ट अर्गनाइजेसन (एफआईईओ) ले एक्स्पोमा सहभागिता जनाएका थिए ।
भारतीय निर्यात प्रवर्द्धन संस्थाहरूको शीर्ष निकाय, विश्वव्यापी बजारमा भारतीय उद्यमीहरूको उद्यमशीलताको प्रतिनिधित्व गर्दछ। यो वाणिज्य मन्त्रालय, भारत सरकार र निजी व्यापार र उद्योग द्वारा सन् १९६५ मा संयुक्त रूपमा स्थापित भएको थियो ।
मेलबर्नस्थित भारतीय महावाणिज्यदूत डा सुशील कुमारले इन्डिया प्याभिलियनको उद्घाटन गरेका थिए ।
एक विज्ञप्तिमा डा सुशील कुमारले इन्जिनियरिङ्, इलेक्ट्रोनिक्स, अटो कम्पोनेन्ट्स, फार्मा, जेम्स एण्ड ज्वेलरी, कपडा, छाला, ह्यान्डलूम र हस्तशिल्पका क्षेत्रमा व्यापार बढाउने ठूलो सम्भावना रहेको औंल्याए।
