-
-
-
-
काठमाडौं । रुसी राष्ट्रपति भ्लादिमिर पुटिनले युक्रेनमा आक्रमण नगर्ने घोषणा गरेका छन् ।
पुटिनले बिहीबार राति आफ्नो सेनाले जनवरी ६ र ७ मा युक्रेनमा आक्रमण नगर्ने घोषणा गरेका हुन् ।
पुटिनले दुई दिनका लागि युद्ध विराम घोषणा गरेका हुन् । धर्मगुरुको अपिलपछि पुटिनले यो निर्णय लिएका हुन् ।
क्रिसमसलाई लिएर रुसका ७६ वर्षीय क्रिस्चियन धर्मगुरु प्याट्रियार्क किरिलको अपिल गरेका थिए । पुटिनले उनको अपिललाई कार्यान्वयन गरेका छन् ।
गत वर्ष फेब्रुअरीमा युक्रेनमा भएको आक्रमणपछि रुसले युद्ध विराम घोषणा गरेको यो पहिलो पटक हो ।
रुस र युक्रेन दुवैले अर्थोडक्स क्रिसमस मनाउँछन्। रुस, ग्रीस, इथियोपिया र इजिप्ट जस्ता पूर्वी युरोपेली देशहरूमा पनि अर्थोडक्स क्रिसमस मनाइन्छ।
