टर्कीले एर्दोगानको पुत्ला देखाउँदै भएको विरोधमा स्विडेनका राजदूतलाई बोलायो
हाम्रा कुरा
प्रकाशित २०७९ पुष २९ शुक्रबार
499
Shares
काठमाडौं। टर्कीले स्टकहोम (स्विडेनको राजधानी)मा राष्ट्रपति रेसेप तैयप एर्दोगानको पुत्लालाई खुट्टामा झुण्ड्याएर भएको विरोध प्रदर्शनलाई लिएर अंकाराका लागि स्विडेनका राजदूतलाई बोलाएको छ। टर्कीका लागि स्विडेनका राजदूत स्टाफन हेरस्ट्रोमलाई बिहीबार विदेश मन्त्रालयमा बोलाइएको हो।
टर्कीको कूटनीतिक स्रोतले रोयटर्स समाचार एजेन्सीलाई यस विषयमा जानकारी दिँदै ती राजदूतलाई अंकाराको प्रतिक्रिया अवगत गराइएको बताएको छ।
स्विडेनले गत वर्ष युक्रेनमा रुसको आक्रमण पछि नेटोमा सामेल हुन आवेदन दिएको थियो र यसका लागि टर्कीको स्वीकृति खोजेको छ।
अंकाराले स्विडेनले कुर्दिस्तान वर्कर्स पार्टी (पीकेके) र टर्कीले कुर्दिस्तान वर्कर्स पार्टीको सिरियाली शाखा भन्ने गरेको पीपुल्स प्रोटेक्सन युनिट्स (वाईपीजी) विरुद्ध स्पष्ट अडान लिन आवश्यक रहेको बताएको छ।
टर्कीले यी दुवै समूहलाई आतङ्कवादी संस्थाको रूपमा घोषणा गरेको छ, जबकि स्विडेन, युरोपेली सङ्घको भागको रूपमा पीकेकेलाई मात्र आतङ्कवादी समूहको रूपमा लिन्छ।
फिनल्याण्ड र स्विडेनले २०२२ मा टर्कीसँग तीन तर्फी सम्झौतामा हस्ताक्षर गर्दै नेटोमा सामेल हुन अंकाराका आपत्तिहरूको सम्बोधन गर्ने भनेका थिए।
बिहीबार सरकार समर्थक टर्की मिडिया आउटलेटहरूले सार्वजनिक गरेको फुटेजमा पीकेकेका सदस्यहरूले गरेको विरोध प्रदर्शनमा उनीहरूले स्टकहोम शहर हल बाहिर एर्दोगनको पुत्ला झुन्ड्याएको देखिन्छ।
स्विडेनका विदेशमन्त्री टोबियास बिलस्ट्रोमले स्टकहोमले घटनाको निन्दा गरे पनि कुनै पनि देशलाई प्रत्यक्ष रूपमा उल्लेख गरेका छैनन्।
