-
-
-
-
रुपन्देही । आन्तरिक तथा बाह्य पर्यटकहरुको प्रवर्दन गरी आर्थिक क्षेत्रमा टेवा पुर्याउने उद्देश्यले रुपन्देहीको तिलोत्तमा नगरपालिका वडा न-१ स्थित रहेको शंकरनगर वनविहार तथा अनुसन्धान केन्द्र वनबाटिकामा नयाँ वर्ष २०८० को पहिलो दिन आन्तरिक पर्यटकहरुको घुइँचो लागेको छ ।
२०६२ सालमा स्थापना गरिएको वनबाटिका पछिल्लो समय शनिबार, चार्डबाड र विशेष दिनहरुमा भीडभाड बढ्ने गरेको केन्द्रका उपाध्यक्ष खिमलाल पाण्डेले बताए । वनबाटिकामा मिनी चिडियाखानासमेत रहेको र कार्यक्रमका लागि पर्याप्त स्थल रहेको छ ।
५१.३४ हेक्टर क्षेत्रफलमा फैलिएको बाटिकामा बाल रेल, बाल उद्यान र सबैभन्दा बढी डोमी पार्क दृश्यावलोकनको मुख्य केन्द्र बन्न पुगेको छ ।
वृद्धवृद्धादेखि स्कुले विद्यार्थी, युवायुवतीहरुको उल्लेख्य मात्रामा उपस्थिति रहेको छ ।
वनबाटिकामा रुपन्देहीसहित दाङ, चितवन, कपिलवस्तु, पाल्पा नवलपरासी बर्दघाट सुस्ता पश्चिमबाटसमेत आएको केन्द्रले बताएको छ ।
