-
-
-
-
काठमाडौं । सरकार र शिक्षकहरूको वार्ता निष्कर्ष विहीन बनेको छ ।
सरकारले विद्यालय शिक्षा विधेयकको विरोधमा उत्रिएका शिक्षकहरूसँग आज बिहान गरेको वार्ता निष्कर्ष विहीन भएको हो ।
बिहीबार बिहान सिंहदरबारमा शिक्षकहरूले उपप्रधान एवं गृहमन्त्री नारायणकाजी श्रेष्ठसँग छलफल गरेका थिए ।
यससँगै शिक्षकहरूको आज पनि प्रदर्शन गर्ने भएका छन् । आज शिक्षकहरूले बानेश्वरबाट माइतीघरसम्म प्रदर्शन गर्ने भएका छन् ।
संसद्मा दर्ता भएको शिक्षा विधेयकमा महासङ्घले विभिन्न १८ बुँदे असहमति प्रकट गरेको छ ।
जसमा सरुवा बढुवा, दरबन्दी, स्थानीय पालिकाअन्तर्गत नबस्ने सहितका माग छन् ।
सो माग पूरा नभएसम्म आन्दोलन नरोकिने महासङ्घले चेतावनी दिएको छ ।
वार्तामा शिक्षामन्त्रीको समेत सहभागिता रहेको थियो ।
छलफलमा सहमति नभएपछि गृहमन्त्री श्रेष्ठले शान्ति सुरक्षा कायम गरेर अघि बढ्न आग्रह गरेका थिए ।
