चार नेपालीको शव नेपाली दूतावासमा, शव आइतबार काठमाडौँ ल्याइने [फोटोफिचर]

हाम्रा कुरा

प्रकाशित २०८० कार्तिक ३ शुक्रबार

israel-nepali-corpse-2080 (5).jpg — तस्बिर : नेपाल फोटो लाइब्रेरी

इजरेल । प्यालेस्टाइनको सुन्नी-इस्लामिक कट्टरपन्थी सङ्घठन हमास र इजरेल बीचको युद्ध जारी छ । हमासले अचानक इजरेलमा गरेको आक्रमणमा परी आजसम्म इजरेलमा करिब १२ सय बढीले ज्यान गुमाएका छन् भने इजरेलले गरेको जवाफी हमलामा गाजा शहरमा पनि २५ सय बढी मानिस मारिएका छन् ।

नेपालबाट ‘लर्न एण्ड अर्न’ कार्यक्रम अन्तर्गत इजरेल पुगेका १० नेपालीको पनि नृशंस हत्या भएको छ । उक्त युद्धमा हजारौँ घाइते भएका छन् । कञ्चनपुरका विपिन जोशीसहित २ सय ५० जना हमासको बन्धकमा छन् ।

सोही आक्रमणमा परी नेपालबाट ‘लर्न एण्ड अर्न’ कार्यक्रम अन्तर्गत इजरेल पुगेका नेपाली विद्यार्थीहरुमध्ये निधन भएका चार जनाको शव इजरेल सरकारले इजरेलस्थित नेपाली दूतावासलाई बुझाएको छ ।

नेपाली राजदूत कान्ता रिजाल र इजरेल सरकारका प्रतिनिधिहरूले मृतकहरुप्रति अन्तिम श्रद्धाञ्जली अर्पण गरेका छन् ।

मृतकहरुमध्ये चार जना विद्यार्थीको शव शनिबार दिउँसोको १:२५ बजे फ्लाइ दुबईको उडानबाट नेपाल पठाउने राजदूत रिजालले बताइन् ।

इजरेलबाट फ्लाइदुबईको उडान एफजेड १२१० मार्फत् दुबईसम्म तथा तत्पश्चात् फ्लाइदुबईकै उडान नं एफजेड ८३५१ मार्फत् काठमाडौँसम्म पुग्ने गरी व्यवस्था मिलाइएको छ ।

हवाई तालिकाअनुसार शव आइतबार बिहान काठमाडौँ पुग्नेछ साथै अन्य शव पहिचानको काम क्रमशः भइरहेको पनि उनले बताइन् । (नेपाल फोटो लाइब्रेरीबाट)