- सुन चाँदी दर
- विनिमय दर
- नेपाली पात्रो
- राशिफल
काठमाडौँ । नेपालका दुई पाइलटबीच हानाहान भएको छ । रामेछाप विमानस्थल पुगेका दुई पाइलटबीच हानाहान भएको हो ।
तारा एयरका वरिष्ठ क्याप्टेन सन्तोष साह र क्याप्टेन सञ्जीव श्रेष्ठबीच रामेछाप विमानस्थलको एप्रोनमा हानाहान भएको हो ।
शुक्रबार विमान लिएर रामेछाप उत्रिएका क्याप्टेन साह विमानस्थल पुगेसँगै क्याप्टेन श्रेष्ठसँग भिडेका छन् ।
विमानस्थलमा साहले हात मिलाउन खोज्दा श्रेष्ठले धकेलेका थिए । उनी लडेपछि दुई जनाले हानाहान गरेका विमानस्थलका कार्मचारीले बताएका छन् ।
घटनापछि क्याप्टेन साहले उपचारका लागि अस्पताल तर्फ लागे भने श्रेष्ठ जहाज लिएर लुक्ला पुगेका छन् ।
अहिले घटनाको जाँच नागरिक उड्डयन प्राधिकरणले गरिरहेको छ । प्राधिकरणले दुवै विमान चालकको लाइसेन्स निलम्बन गरेको छ । विमानस्थल परिसरमै हानाहान भएपछि उनीहरूको लाइसेन्स निलम्बन गरिएको क्यानका प्रवक्ता तथा उपमहा निर्देशक जगन्नाथ निरौलाले जानकारी दिए । “राष्ट्रिय सुरक्षा मापदण्डको उल्लङ्घनको कारण अर्को सूचना नभएसम्म दुई वरिष्ठ क्याप्टेनको लाइसेन्स निलम्बन गरिएको छ ।
विस्तृत अनुसन्धानपछि लाइसेन्स खारेज वा नियमबमोजिम अन्य दण्डात्मक कारबाही हुन सक्छ”, उनले भने । एउटै कम्पनीका दुई पाइलटबीच के कति कारणले कुटाकुट भएको त्यो भने खुल्न नसकेको क्यानले जनाएको छ ।