-
-
-
-
काठमाडौँ । पूर्वराजा ज्ञानेन्द्र शाह आगामी आइतबार भैरहवा जाने भएका छन् । दरबार निकट उच्च स्रोतका अनुसार उनी आइतबार पुस ८ गते भैरहवा जान लागेका हुन् । उनीसँगै पूर्वरानी कोमल र परिवारका सदस्यहरु पनि रहने बताइएको छ ।
पूर्वराजाको भैरहवा बसाईको समय अझै यकिन भइसकेको छैन । केही साता भैरहवा बसेर उनी मध्य क्षेत्रको भ्रमण अन्तर्गत वीरगञ्जसम्म पुगेर फर्किने छन् ।
पूर्वराजाका संवाद सचिव डा. फणिराज पाठकले पश्चिम क्षेत्र र मध्य क्षेत्रको भ्रमणमा जाने पुष्टि गरे ।
पाठक आफैैँले संचारमाध्यमलाई ई–मेलसमेत गरेका छन् ।
यसअघि अफवाहको रुपमा पूर्वराजाले सडक आन्दोलनको आह्वान गरेको गलत सन्देश कहीँ कतैबाट गएपछि पूर्वराजपरिवार सचेत देखिएको छ ।
डा. पाठकले बाहिर कतैबाट आएका सन्देशहरु आधिकारिक नहुने भएकाले सचेत हुने आग्रहसमेत गरेका छन् । उनले संचारमाध्यमबाट जाने सूचना सही होस् भन्ने पूर्वराजाको कामना रहेकोसमेत उल्लेख गरेका छन् ।
