भूकम्पले जापानी समुद्री तट आठ सय फिट पर पुग्यो, बन्दरगाह सुख्खा

हाम्रा कुरा

प्रकाशित २०८० माघ ३ बुधबार

टोकियो । अंग्रेजी नयाँ वर्षको पहिलो दिन जनवरी १ मा जापानमा गएको ७.६ रेक्टर स्केलको भूकम्पका कारण समुद्री तट आठ सय फिट पर सरेको छ ।

विशेष गरी नोटो प्रायद्वीपमा विनाशको दृश्य देखियो। अब स्याटेलाइट तस्बिरले जापानमा भूकम्पका कारण त्यहाँका धेरै टापुहरू समुन्द्री सतहबाट अलि माथि गएको र तिनीहरूको तटीय क्षेत्र पनि सरेको खुलासा भएको छ । यसको मतलव समुद्र किनारबाट टाढा गएको छ।

स्याटेलाइट तस्बिरहरूबाट नोटो प्रायद्वीपको बारेमा महत्त्वपूर्ण जानकारी प्राप्त भएको छ। नाहेल बेल्गारेज नामक एक टविटर प्रयोगकर्ताले जापानको नोटो प्रायद्वीपको तस्बिरहरू सार्वजनिक गरेका छन् ।

त्यहाँका तटीय तस्विरहरूले देखाउँछन् कि तटहरू समुद्रबाट टाढा सरेका छन् । भूकम्प र सुनामीपछि भौगोलिक स्थितिमा कस्तो परिवर्तन आएको छ भन्ने चित्रले देखाउँछ ।

लाइभ साइन्सका अनुसार टोकियो विश्वविद्यालयको भूकम्प अनुसन्धान संस्थानका अनुसन्धानकर्ताहरूले नोटो प्रायद्वीपको उत्तरपश्चिमी तटमा अनुसन्धानका क्रममा काइसोदेखि आकासाकीसम्म १० स्थानमा जमीन उत्थानको प्रमाण भेटिएको बताएका छन् ।

तटीय स्थानान्तरण र भूमि उत्थानका कारण धेरै बन्दरगाह सुक्दै गएका कारण पानी किनारबाट टाढा सरेको छ । जसका कारण डुङ्गा चलाउन गाह्रो भएको छ ।

अर्को समाचार अनुसार भूकम्पपछि जापानका धेरै ठाउँमा जमीन उकालो लागेको छ । धेरै ठाउँमा जमीन १३ फिटसम्म माथि पुगेको छ ।

तर, स्याटेलाइट तस्बिरहरूले देशका तटहरू सुक्न थालेको प्रमाण दिइरहेका छन् । पहिले पानी पर्ने ठाउँमा अहिले खडेरी परेको छ । तपाईले बुझ्न सक्नुहुन्छ कि ८०० फिट पछाडि सर्नु भनेको दुई अमेरिकी फुटबल मैदानको लम्बाइ बराबर हो ।