जिल्ला अदालतबाट दोषी पाइएका सन्दीपको उच्च अदालतमा सुनुवाइ सकियो, फैसला आउँदै
हाम्रा कुरा
प्रकाशित २०८१ जेठ २ बुधबार
385
Shares
तस्बिर – फाइल ।
काठमाडौँ । राष्ट्रिय टिमका पूर्व खेलाडी सन्दीप लामिछाने विरुद्धको जबरजस्ती करणीसम्बन्धी मुद्दाको सुनुवाइ सकिएको छ । उच्च अदालत पाटनमा मंगलबारबाट शुरु भएको बहस बुधबार अपराह्नमा सकिएको हो ।
मंगलबार न्यायाधीशद्धय सुदर्शनदेव भट्ट र अञ्जु उप्रेतीको इजलासमा बहस नसकिएपछि मुद्दा अन्तिम समयमा ‘हेर्दाहेर्दै ’राखिएको थियो । मंगलबार बाँकी रहेको बहस बुधबार निरन्तर भएको थियो । बुधबार सन्दीपका कानुन व्यवसायीले जवाफ दिएलगत्तै बहस सकिएको हो ।
बहस सकिएपछि न्यायाधीशहरू फैसलाको तयारीमा लागेका छन् । उनीहरू बहसका क्रममा उठेको काठमाडौँको होटलको सीसीटीभी फुटेज पनि हेरिसकेका छन् ।
सरकारी पक्षले लामिछाने र पीडित गौशाला २६ बसेको भनिएको होटलको सीसीटीभी फुटेज पनि पेस गरेको थियो ।
यसअघि काठमाडौँ जिल्ला अदालतबाट उनी दोषी पाइएका थिए ।
