-
-
-
-
काठमाडौँ । उच्च अदालतबाट बलात्कार मुद्दामा सफाइ पाएपछि टी–२० विश्वकप क्रिकेट खेल्न अमेरिका जान खोजेका क्रिकेटर सन्दीप लामिछानेलाई अमेरिकाले फेरि पनि भिसा दिन अस्वीकार गरेको छ ।
परराष्ट्र मन्त्रालयले दूतावासलाई नोट पठाएपछि अन्तर्वार्ताका लागि बोलाए पनि उनलाई भिसा दिन अस्वीकार गरेको हो ।
नेपाली क्रिकेट समर्थकहरुले उनलाई भिसा दिनुपर्ने माग राख्दै सामाजिक सञ्जाल र सडकबाट दबाब सिर्जना गरेका थिए ।
योसँगै उनको विश्वकप खेल्न जाने सम्भावना अब सकिएको छ । सन् २०१९ मा पनि उनले भिसा पाएका थिएनन् ।
अमेरिकी दृष्टिकोणमा उनलाई विश्वास गर्ने आधार नदेखेरै भिसा नदिएको बुझिन्छ ।
यद्यपि यसअघि अमेरिकाले कुनै पनि व्यक्तिका बारेमा बाहिर स्पष्टीकरण दिने चलन नरहेको बताएको थियो ।
