बागमतीका मुख्यमन्त्री लामासहित नौ मन्त्रीले लिए शपथ
हाम्रा कुरा
प्रकाशित २०८१ साउन ९ बुधबार
597
Shares
हेटौँडा । बागमती प्रदेशका नवनियुक्त मुख्यमन्त्री बहादुरसिंह लामाले शपथ लिएर पदभार ग्रहण गरेका छन् । मुख्यमन्त्री लामाले शपथ लिएसँगै आजै १० सदस्यीय मन्त्रिपरिषद् विस्तार गरेका छन् ।
मन्त्रीपरिषद्मा नियुक्त मन्त्रीहरुलाईसमेत मुख्यमन्त्री लामाले प्रदेश प्रमुख यादवचन्द्र शर्माको समुपस्थितिमा सपथग्रहण गराए ।
नवनियुक्त मन्त्रीहरुमा एमालेबाट प्रकाश श्रेष्ठ कृषि तथा पशुपन्छी मन्त्री, किशोर सिलवाल वन तथा वातावरण मन्त्री, किरण थापा स्वास्थ्यमन्त्री, अमन मास्के भौतिक योजना तथा पूर्वाधारमन्त्री, शुकमाया तामाङ उद्योग वाणिज्य भूमि तथा प्रशासन मन्त्री, प्रेमभक्त महर्जन श्रम, रोजगार तथा यातायात मन्त्री रहेका छन् ।
त्यस्तै नेपाली कांग्रेसका तर्फबाट कुन्दनराज काफ्ले, श्याम खड्का र मधु श्रेष्ठलाई बिना विभागीय मन्त्रीको जिम्मेवारी तोकिएको छ । कांग्रेसका तर्फबाट अझै तीन जना मन्त्री हुन बाँकी बाँकी रहेको छ ।
बागमती प्रदेश सभाको ६४ जना बहुमत सदस्यहरुको समर्थनमा मुख्यमन्त्री बहादुर सिंह लामालाई मङ्गलबार प्रदेश प्रमुख शर्माले मुख्यमन्त्री पदमा नियुक्ति गराएका थिए ।
