सन्दीपलाई अमेरिकाले दियो भिसा, आजै जाँदै

हाम्रा कुरा

प्रकाशित २०८१ कार्तिक २ शुक्रबार

काठमाडौँ । क्रिकेटर सन्दीप लामिछानेलाई अमेरिकाले भिसा दिएको छ । नेपाल क्रिकेट संघ (क्यान) ले सन्दीपले अमेरिकाको भिसा प्राप्त गरेको र आज साँझ नै अमेरिका जाने जानकारी दिएको छ ।

यसअघि राष्ट्रिय क्रिकेट टिमसँगै क्याानडा टुरमा गएका सन्दीप अमेरिकाको भिसा नभएका कारण नेपाल फर्किएका थिए । भिसा प्राप्त गरेपछि अब सन्दीपले आईसीसी विश्वकप लिग–२ को अमेरिका र स्कटल्याण्डविरुद्धको श्रृंखला खेल्न पाउने भएका छन् ।

सन्दीपले अमेरिका विरुद्धको टी–२० श्रृंखला भने खेल्न पाउने छैनन् । पहिलो खेल शुक्रबार भएको छ । नेपाल विजयी भएको छ भने दोस्रो खेल आइतबार र तेस्रो खेल सोमबार हुनेछ ।