सभापति थापाले उद्घाटन गरे कर्णाली प्रदेश स्तरीय भेला तथा प्रशिक्षण कार्यक्रम
हाम्रा कुरा
प्रकाशित २०८३ वैशाख २८ सोमबार
2.7k
Shares
सुर्खेत । नेपाली कांग्रेसका सभापति गगनकुमार थापाले कर्णाली प्रदेश स्तरीय भेला तथा प्रशिक्षण कार्यक्रमको उद्घाटन गरेका छन् । बिहान सुर्खेत आएका सभापति थापाले भेला उद्घाटन गरेका हुन्।
भेलामा कांग्रेस उपसभापति विश्वप्रकाश शर्मा, महामन्त्री प्रदीप पौडेललगायतका नेताहरू सुर्खेत आएका छन् ।
नेपाली कांग्रेसका निवर्तमान कार्यबाहक सभापति पूर्ण खड्काको गृह जिल्लामा हुन लागेको कार्यक्रमलाई चासोको साथ हेरिएको छ ।
विशेष महाधिवेशनपछि कांग्रेसले पहिलो पटक प्रदेशस्तरीय भेला गर्न लागेको हो । दुई दिनसम्म चल्ने भेलामा नेपाली कांग्रेसका संघीय, प्रदेश र स्थानीय तहका जनप्रतिनिधिहरु, पार्टीका केन्द्रीय, प्रदेश र स्थानीय तहका पार्टी सभापतिहरू सहभागी हुनेछन् ।
कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानको आयोजनामा प्रदेशस्तरीय भेलाको आयोजना गरिएको हो ।
पार्टीका शीर्ष नेताहरूको सहभागितामा आयोजना हुने भेला आगामी राजनीतिक कार्यदिशा, निर्वाचन समीक्षा तथा सुशासनका सवालमा केन्द्रित रहने जनाइएको छ ।
