कार्तिक । यूवा संघ लमजुङका अध्यक्ष ऋषी बस्नेतले एक होटल सञ्चालकमाथी कुटपिट गरेका छन् । रक्सीले मातेका अध्यक्ष बस्नेत सहितको तीन जनाको समूहले सदरमुकाम बेसीशहरको शेरा स्थित न्यू घलेगाउँ गेष्ट हाउसका सञ्चालक छविलाल सेढाईलाई विनाकारण कुटपिट गरेका हुन् ।
मंगलबार राती साढे दश बजे आफ्नो होटल बन्द गर्ने क्रममा सेढाईमाथी कुटपिट भएको हो । ‘ममाथी विनाकारण कुटपिट भो, राती पाउना आएकाले ढिलो गरी होटल बन्द गर्दै थिए, एक्कासी आएर कुटपिट गरे, पिडित सेढाईले भने ।
कुटपिटबाट पिडित सेढाईको टाउको, ओठ र चिउडोमा चोट लागेको छ । राती एक्कासी हल्लाह गर्दै कुटपिट भएपछि प्रहरी पुग्दा प्रहरीमाथी पनि यूवाहरु खनिएका थिए । प्रहरीले उनीहरुलाई राती १२ बजे पक्राउ गरी हिरासतमा राखेको डिएस्पी यादव ढकालले बताए ।
बिहान दुवै पक्षविचको लामो वार्ता पछि पिडित पक्षसँग यूवा संघका अध्यक्षसहित कुटपिटमा संलग्न समूहले पिडितको उपचार खर्च व्यहोर्ने सर्त सहित माफी मागेपछि उनीहरुलाई छोडीएको प्रहरीले बताएको छ । यूवा संघका अध्यक्ष बस्नेत यसअघि पनि पटक–पटक कुटपिट लगाएतका घट्नामा पक्राउ परेका थिए ।
