arrow

सिंचाईको निहुँमा छिमेकीको कुटाईबाट महिला गम्भीर घाईते

logo
प्रकाशित २०७५ मंसिर १ शनिबार
sichai-nihu.jpg

कपिलवस्तु । महाराजगंज नगरपालिका– ८ सिग्राहामा छिमेकीको कुटाईबाट ३५ बर्षे मुन्नुदेबी कहार गंभीर घाईते भएकी छिन । बाणगंगा नदीबाट पम्पसेटले तोरी खेतमा सिंचाई गर्नेक्रममा बिवाद भएपछि स्थानीय झकुरी भन्ने राजेश कहार र उनका बुवा चिन्कु कहारले मुन्नुदेबीलाई निर्धात कुटेका थिए ।

दुबैले लठ्ठीले हिर्काउदा  मुन्नुको पेटको किनार र तिर्घाका गहिरो चोट लागेको प्रहरीले जनाएको छ । पम्पसेटले सिंचाई गर्दा राजेशले मोटरसाईलले पाईप फुटाएपछि भनाभनपछि बिवाद भएको मुन्नुका श्रीमान बेचनले बताए ।

पाईप फुटाए पछि भएको बिवाद गाउलेहरु मिलेर समाधान गरिएको थियो । तर आधा घन्टा पछि राजेश र उनका बुवा चिन्नु आएर आफनो श्रीमतिलाई लठ्ठीले निर्घात कुटेको उनले गुनासो गरे । घाईते मुन्नु देबीको तौलिहवा अस्पतालमा उपचार भईरहेको छ ।

 प्रहरीले गरेको घटनाको अनुसंधान भईरहेको प्रहरीले जनाएको छ । सामान्य विवादमा कुटपिट गर्दा उनी घाइते भएपछि स्थानीय महिलाहरु आक्रोसित भएका छन् । महिलामाथि यस्तो कार्य गर्नेलाई कडा कारवाही गर्न महिलाहरुले स्थानीय प्रशासनमा आग्रह गरेका छन् ।



लोकप्रिय समाचार
लोकप्रिय समाचार
नयाँ