सहमतिमा दुवै पक्षको नियतमा खोट देखियो – डा कोइराला
प्रकाशित २०७५ फागुन २७ सोमबार
221
Shares
काठमाडौं । नेपाली काँग्रेसका केन्द्रीय सदस्य शेखर कोइरालाले केपी शर्मा ओली नेतृत्वको सरकार र बिखण्डनको नारा लगाउँदै हिँड्ने स्वतन्त्र मधेशका अभियन्ता सिके राउतबीचको सहमतिले नेपाली राजनीति तरंगित भएको बताएका छन् ।
उनले विद्रोही समूहलाई संविधान र राज्यको मूलधारमा ल्याईनु उपयुक्त भए तापनि सहमतिको दोस्रो बुँदामा उल्लेखित ‘जनअभिमत’ (जनमत संग्रह) शब्द राष्ट्रिय स्वाधिनता एवं अखण्डताको बिपक्षमा देखिने उल्लेख गरेका छन् ।
नेता कोइरालाले यसलाई नेपाली जनता कुनै पनि हालतमा स्विकार गर्नै सक्दैनन् भनेका छन् । डा कोइरालाले यस सहमतिमा दुवै पक्षको नियतमा खोट देखिएको जिकिर गरेका छन् ।
‘सहमतिको मसी सुक्न नपाउँदै जनकपुरमा सिके राउत समूहको जुन परिदृश्य देखियो त्यसले हामीलाई गम्भिर मात्रै बनाएको छैन बरु हामीलाई झस्काएको समेत छ ।’ उनले भनेका छन् ।
डा कोइरालाले दुवै पक्षबाट यसको अबिलम्ब निदान हुन जरुरी रहेको समेत उल्लेख गरेका छन् ।
