-
-
-
-
झापा । राजश्व छली गरी भित्र्याइएका ओरियन्स कम्पनीका करिब चार करोड भन्दा बढी मूल्य बराबरका सामान झापाको दमकबाट प्रहरीले मंगलबार बरामद गरेको छ । बिल सहितको ८७ लाख रुपैयाँ र बिना बिलको ३ करोड मूल्य बराबरका सामान प्रहरीले सार्वजनिक गरेको हो ।
ईलाका प्रहरी कार्यालय दमकद्वारा आयोजित पत्रकार सम्मेलनमा जिल्ला प्रहरी कार्यालय झापाका प्रमुख एसपी सानुराम भट्टराईले दमक ६ स्थित एक घरबाट उक्त सामानसहित कम्पनीका सञ्चालक जितेन्द्र साहलाई पक्राउ गरेको प्रहरीले जनाएको छ ।
बरामद सामान र पक्राउ परेका साहमाथि थप अनुसन्धानका लागि आन्तरिक राजश्व कार्यालयमा बुझाउने प्रकृया शुरु गरिएको प्रहरीले जानकारी दिएको छ । बरामद गरिएका सामानहरुमा सप्लिमेन्ट खाद्यान्हका परिपुरक सामग्रीहरु रहेका छन् ।
