चेक गणतन्त्र । दुई पटककी विम्बल्डन टेनिस च्याम्पियन पेट्रा किटोभामाथि चक्कु आक्रमण भएको छ । घरमै बसिरहेकी उनलाई आक्रमण भएको जनाइएको छ । २६ वर्षीया किटोभामाथि अन्धाधन्ुध आक्रमण भएपछि उनको हातमा गहिरो चोट लागेको छ । उनका म्यानेजरका अनुसार उनको बायाँ हातमा लागेको चोटलाई सर्जरी गर्न चार घण्टा लागेको थियो ।
योसंगै चेक गणतन्त्रकी खेलाडी किटोचाले आगामी तीन महिना कोर्टमा उभिन नसक्ने भएकी छिन् ।
म्यानेजर काटी स्पेलम्यानलाई उधृत गर्दै समाचार एजेन्सी एएफपीले बताए अनुसार उनी तीन महिना कोर्टमा पाइला टेक्ने छैनिन् ।
योसंगै किटोभा सन् २०१७ को ग्राण्डस्लाम टेनिस अष्ट्रेलियन ओपनबाट बाहिरिएकी छिन् ।
उनीमाथि कस्तो आक्रमण भयो र कसले ग¥यो भन्ने खुलाइएको छैन ।
