www.deltrox.com
नयाँ
कुरा

फाल्गुनन्द गोल्डकप : भारतलाई ७ गोल गर्दे झापा क्वाटरफाइनलमा प्रवेश

प्रकाशित मिति : २०७३ पौष १७ आइतबार, १०३५ पटक हेरिएको

जितेन्द्र भण्डारी,

पाँचथर।  पाँचथरको फिदिममा जारी आठौ टुवोर्ग फाल्गुनन्द गोल्डकप फुटवल प्रतियोगिताको आइतबारको खेलमा विर्तामोड यूनाइटेड फुटवल क्लव झापा विजयी वन्दै क्वाटरफाइनल प्रवेश गरेको छ ।
 
 आइतबार भएको खेलमा यूनाइटेड फुटवल क्लवले शेयर फुटवल क्लव कालिपोङ भारतलाई ० का विरुद्ध ७ गोलको भारी गोलअन्तरले  पराजित गरेको हो ।
 
झापाको तर्फबाट कर्ण लिम्वु एक्लैले खेल शुरु भएको १२ औ,२४,३८ औ र दोस्रो हाफको १६ औ मिनेटमा गरेर चार गोल गरेका थिए । यस्तै झापाकै तर्फ बाट रनजित श्रेष्ठले पहिलो हाफको २१ र ३५ औ मिनेटमा दुई गोल गरी टिमलाई अग्रता दिलाएका थिए ।
 
यस्तै झापाकै तर्फबाट पहिलो हाफको २७ औ मिनेटमा निशान खड्काले एक गोल गरेका थिए । खेल अवधिभर दवावमा परेको कालिम्पोङले भने जवाफमा एक गोल पनि गर्न सकेन् ।  खेलमा उत्कृष्ट प्रर्दशन गरेका झापाका कर्ण लिम्वुनै आजको खेलको म्यान अफ दि म्याच समेत घोषित भए ।
 
प्रतियोगिता अन्र्तगत भोली हिमालयन शेर्पा क्लव काठमान्डौ र इलाभेन एरोज दुहवी सुनसरी वीच प्रतिस्पर्धा हुने आयोजकले जनाएको छ ।नेपाल भारत र भुटान गरी १० टिम सहभागि प्रतियोगिताको विजेताले २ लाख ५० हजार रुपैया र उपविजेताले १ लाख ५० हजार रुपैया हात पार्ने आयोजक फिदिम स्पोटिङ क्लवले जनाएको छ । 

सम्बन्धित समाचार

Scroll To Top