क्याम्प नोउ । बार्सिलोना स्पेनिश घरेलु फुटबल प्रतियोगिताको सेमिफाइनलमा पुगेको छ । रियाल सोसिडाडमाथि समग्रमा ६–२ को जित हासिल गर्दै बार्सिलोना सेमिफाइनलमा पुगेको हो ।
पहिलो लेगको खेलमा १–० को झिनो जित निकालेको बार्सिलोनाले दोस्रो लेगको खेलमा क्याम्प नोउमा बिहीबार राति ५–२ को जित निकाल्यो ।
बार्सिलोनाको जितमा इङलिश क्लव म्यानचेष्टर सिटीका पूर्व मिडफिल्डर डेनिस सुवारेजले दुई गोल गरे ।
त्यस्तै लिओनल मेसी, लुइस सुवारेज र आर्द तुरानले एक एक गोल गरे ।
मेसीको यो सिजनको २८ औं तथा सुवारेजको २० औं गोल हो । त्यस्तै तुरानको १३ औं गोल हो ।
सोसिडाडका युआन्मी र विलियन जोजले एक एक गोल गरे ।
रियाल सोसिडाडले बार्सिलोनालाई क्याम्प नोउमा सन् १९९१ पछि हराउन सकेको छैन ।
त्यतिबेला सोसिडाड ३–१ ले विजयी भएको थियो ।
