काठमाडौँ । सर्वोच्च अदालतले काठमाडौँ उपत्यकाको सडक निर्माण गर्दा धुवाँधुलो न्यूनीकरण गर्ने विधि अपनाएर मात्र निर्माण गर्न सम्बन्धित निकायलाई अन्तरिम आदेश दिएको छ ।
न्यायाधीश डा आनन्दमोहन भट्टराईको एकल इजलासले सडक विभाग, मेलम्ची खानेपानी आयोजना, काठमाडौँ उपत्यका विकास प्राधिकरण र काठमाडौँ महानगरपालिकालाई सो आदेश दिएको हो ।
आदेशमा तत्काल धुलो न्यूनीकरण भए÷नभएको निरीक्षण र अनुगमन गर्न÷गराउनसमेत आदेश दिइएको छ ।
अधिवक्ता पदमबहादुर श्रेष्ठले गत सोमबार उपत्यकामा सडक निर्माणका कारण वायु प्रदूषण बढेको जनाउँदै अदालतमा रिट निवेदन दायर गरेका थिए । रासस
