एन्फिल्ड । इङलिश प्रिमियर लिग फुटबलमा चेल्सीको निरन्तर जितको यात्रा रोकिएको छ । चेल्सीले बुधबार बिहान सम्पन्न खेलमा लिभरपुलसंग उसकै मैदानमा १–१ को बराबरी खेलेको हो । खेलको २५ मिनेटमै डेभिड लुइजले गोल गर्दै चेल्सीलाई जिताए । खेलको ५८ औं मिनेटमा जर्जिनियो विनाल्डमले लिभरपुललाई बराबरीमा ल्याए । ७७ औं मिनेटमा पाएको पेनाल्टीलाई डिएगो कोस्टालाई गोलमा परिणत गर्न नसक्दा चेल्सीले अंक जोड्ने सुनौलोअवसर गुमायो । त्यस्तै लगातार १५ जितको यात्रा पनि रोकियो ।
लिग अन्तर्गतका अन्य खेलमा आर्सन र लेस्टर सिटी पराजित भएका छन् । आर्सनल वाटफोर्डसंग घरेलु मैदानमा २–१ ले पराजित भयो । लेस्टर बर्नलेसंग १–१ ले पराजित भयो । त्यसैगरी क्रिष्टल प्यालेसले बर्नमाउथलाई २–० ले हरायो । स्वान्सी सिटीले साउथह्याम्पटनलाई २–१ ले हरायो ।
त्यस्तै मिडिल्सब्रोले वेष्टब्रोमविच आल्बियनसंग १–१ को तथा सन्डरल्याण्डले टोटनह्यामसंग गोलरहित बराबरी खेल्यो ।
यी खेलपछि २३ खेलबाट ५६ अंकसहित चेल्सी शीर्ष स्थानमा कायमै छ । ४७ अंकबाट टोटनह्याम दोस्रो तथा आर्सनल तेस्रो स्थानमा छ । ४६ अंकको लिभरपुल चौथो स्थानमा छ ।
