ओलम्पिक स्टेडियम । इङलिश प्रिमियर लिग फुटबलमा म्यानचेष्टर सिटीले रवाफिलो जित हासिल गरेको छ । सिटीले वेष्टह्याम युनाइटेडलाई उसकै मैदान ओलम्पिक स्टेडियममा ४–० को फराकिलो अन्तरले हराएको हो । सिटीका लागि केभिन डे बु्रने, डेभिड सिल्भा, गाब्रियल जिसस र याया टौरेले एक एक गोल गरे ।
तर म्यानचेष्टर युनाइटेडले भने बराबरीमै चित्त बुझाएको छ । युनाइटेडले हल सिटीसंगै आफ्नै घरेलु मैदान ओल्ड ट्राफोर्डमा भएको खेलमा गोलरहित बराबरी खेलेको हो ।
त्यस्तै स्टोक सिटीले एभर्टनसंग १–१ गोलको बराबरी खेलेको छ । यी खेलपछि २३ औं चरणका खेल सकिएका छन् ।
चेल्सी ५६ अंकसहित शीर्ष, टोटनह्याम ४७, आर्सनल ४७, लिभरपुल ४६, म्यानचेष्टर सिटी ४६, म्यानचेष्टर युनाइटेड ४२ अंकसहित दोस्रोदेखि छैटौं स्थानमा छन् ।
