काठमाडौं ।प्यासिफिक बैंक ग्लोबल आइएमई बैंकमा गाभिए पछि आइतबारबाट एक्विजिसन कारोबार सञ्चालन गरेको छ । एकिकृत कारोबारको नेपाल राष्ट्र बैंकका गर्भनर डा. चिंरजिवी नेपालले शुभारम्भ गरे । विगत ७ वर्ष देखि बैंकिङ्ग कारोवार गर्दै आएको प्यासिफिक डेभलपमेण्ट बैंक लिमिटेडको चुक्तापूँजी १३ करोड २९ लाख रुपैयाँ रहेको थियो ।
प्यासिफिक डेभलपमेन्ट बैंकलाई ग्लोबल आइएमई बैंकले एक्विजिसन गरेसँगै बैंकको कुल चुँक्ता पूँजी ७ अर्व २४ करोड रहेको छ भने कुल निक्षेप ८५ अर्व, कर्जा लगानी रु. ७२ अर्व ८८ करोड र ९४ वटा शाखा कार्यालय पुगेको कम्पनीले जनाएको छ ।
साधारणसभाले प्यासिफिक डेभलपमेण्ट बैंक लिमिटेडको १०० कित्ता शेयरलाई ग्लोबल आइएमई बैंक लिमिटेडको ६९.२६ कित्ता शेयर दिने गरी शेयर स्वाप अनुपातमा पारित गरेको थियो ।
