लण्डन । इङलिश प्रिमियर क्लव टोटनह्याम हट्सपर युरोपा लिग फुटबलको राउण्ड अफ थर्टी टु बाटै बाहिरिएको छ । घरेलु मैदानमा खेलेको टोटनह्याम बेल्जियन क्लव जेन्टसंग पराजित पराजित भएको हो ।
घरेलु मैदानमा २–२ को बराबरी खेले पनि पहिलो लेगको खेलमा १–० ले पराजित भएका आधारमा ३–२ ले हारेको हो ।
दोस्रो लगेको खेलमा डेले अलीले रातो कार्ड खाएपछि भने टोटनह्याम कमजोर सावित भयो । त्यतिमात्र होइन खेलको १० मिनेटमै क्रिष्टियन इरिक्सेनको गोलबाट अग्रता लिएको टोटनह्यामका ह्यारी केनले २० मिनेटमा आत्मघाती गोल गरेपछि क्लवमाथि ठूलो घात भएको हो ।
४० औं मिनेटमा अलीले रातो कार्ड खाए । यो हारले भने प्रिमियर लिगको तेस्रो स्थानमा रहेको टोटनह्यामलाई निकै मर्माहत बनाएको छ ।
युरोपा लिगका अन्य खेलमा एएस रोमा अर्को चरणमा पुग्दा भिल्लारियल बाहिरिएको छ । त्यस्तै आयाक्स, बेसिक्तास पनि अर्को चरणमा पुगेको छ ।
