बेइजिङ । चाइनिज सुपर लिग फुटबलको ट्रान्सफर विन्डो निकै महंगो सावित भएको छ । इङलिश प्रिमियर लिगको तुलना गर्न मिल्ने यो विन्डोमा १६ चाइनिज सुपर लिग क्लवले २१५ मिलियन युरो खर्च गरेका छन् ।
अस्करका लागि सांघाइ एसआइपीजीले ६० मिलियन पाउण्ड खर्च गरेको छ भने कार्लोस टेभेजका लागि ४० मिलियन पाउण्ड खर्च गरिएको छ ।
सुपर लिगको नयाँ सिजनमा सीमित खेलाडीमात्र टिममा राख्न पाउने नयाँ नियम चिनियाँ फुटबलले लगाएको छ ।
एक रिपोर्टका अनुसार चिनियाँ राष्ट्रपति सी जिनपिङले वार्षिक १६ हजार पाउण्ड कमाउँछन् ।
तर कार्लोस टेभेजले भने चीनबाट जिनपिङको वार्षिक आम्दानीभन्दा १९ गुणाबढी एक हप्तामा कमाउँछन् ।
