सिरिया । सिरियामा अतिवादी संगठन इस्लामिक स्टेट आइएसको आतंक कायमै छ । आइएसले विभिन्न शहर नै कब्जामा लिएर बसेको छ । तर पछिल्लो समय आइएसको कब्जाबाट प्राचीन शहर पाल्माइरा सेनाले नियन्त्रणमा लिएको छ ।
पाल्माइरालाई नियन्त्रणमा लिन सरकारी सेनाले आइएसमाथि लगातार आक्रमण गरेको थियो ।
युनेस्कोको सूचीमा परेको यो पुरातात्विक शहर कब्जामा लिँदै आइएसले केही भाग नष्टसमेत गरेको थियो ।
एक वर्षअघि पनि यो शहर सेनाले नियन्त्रण बनाएको थियो । तर फेरि पछि आइएसले कब्जामा लिएको थियो ।
