क्याम्प नोउ । स्पेनिश फुटबल लिग च्याम्पियन बार्सिलोना च्याम्पियन्स लिग फुटबलको क्वार्टरफाइनलबाटै बाहिरिएको छ । इटालियन क्लव युभेन्टस विरुद्धको खेलमा गोलविहीन हुँदै युभेन्टस बाहिरिएको हो ।
यो बार्सिलोनाको अहिलेसम्मकै खराव क्वार्टरफाइनल अन्त्य हो । पहिलो लेगमा युभेन्टसकै मैदानमा ३–० ले पछि परेको बार्सिलोना दोस्रो लेगमा बुधबार राति घरेलु क्याम्प नोउको मैदानमा गोरहित बराबरी खेल्यो ।
९६,२९० दर्शक सामु खेलेको बार्सिलोनाले गोलका लागि थुप्रै प्रयास गरे पनि गोल गर्न सकेन ।
खेलका क्रममा तनावमा देखिएको बार्सिलोनाका नेइमार र एन्द्रेस इनेस्ताले पहेंलो कार्ड खाएका थिए ।
यो हारसंगै च्याम्पियन्स लिगका घरेलु खेलमा सधै खेलमा फर्किएर अगाडि जाने बानी परेको बार्सिलोनाको पुरानो कहाबतसमेत सकिएको प्रमाणित भएको छ ।
त्यस्तै अर्को क्वार्टरफाइनल खेलमा विजयी हुँदै फ्रेन्च क्लव मोनाको पनि सेमिफाइनलमा प्रवेश गरेको छ । क्वाटरफाइनलको दोस्रो लेगमा घरेलु मैदानमा भएको खेलमा जर्मन क्लब बोरुसिया डर्टमुण्डलाई ३–१ ले हराएर समग्रमा ६–३ को जितसहित मोनाको सेमिफाइनलमा पुगेको हो ।
योसहित च्याम्पियन्स लिगको सेमिफाइनल पुग्ने चार टिमको टुंगो लागेको छ । यसअघि स्पेनिश दुई क्लवहरु रियाल मड्रिड र एथलेटिको मड्रिड पनि सेमिफाइनलमा पुगेका छन् ।
