-
-
-
-
काठमाडौं । इंग्लिस प्रिमियर लिग फुटबल अन्तर्गत बिहीबार राति भएको खेलमा टोटनह्याम हट्सपरले शानदार जित दर्ता गरेको छ ।
टोटनह्यामले साबिक विजेता लेस्टर सिटीलाई उसकै मैदानमा ६–१ ले हराएको हो ।
टोटनह्यामको जितमा ह्यारी केन एक्लैले चार गोल गरे । दुई गोल सन हेङ–मिनले गरे ।
लेस्टरका लागि चिलवेलले एक गोल फर्काए ।
केन यो सिजन लिगमा सर्वाधिक गोल गर्ने खेलाडीको सूचिमा शीर्ष स्थानमा उक्लिएका छन् ।
एक खेल बाँकी हुँदा अहिलेसम्म उनले २६ गोल गरेका छन् भने ७ गोलका लागि सहयोग गरेका छन् ।
दोस्रो स्थानमा रहेका एभर्टनका रामेलु लुकाकुले २४ तथा तेस्रो स्थानमा रहेका आर्सनलका एलेक्स सान्चेजले २३ गोल गरेका छन् ।
जितपछि दोस्रो स्थानको टोटनह्यामको ८३ अंक भएको छ । ११ औं स्थानको लेस्टरको ४३ अंक छ ।
उपाधि भने चेल्सीले जितिसकेको छ ।
