-
-
-
-
काठमाडौं । १५ महिना उत्तर कोरियाको कारागार जीवन बिताई हालै रिहा भइ एक हप्ताअघि अमेरिका घरमा पुगेका एक अमेरिकी युवकको मृत्यु भएको छ ।
२२ बर्षिय अमेरिकी विद्यार्थी ओट्टो वार्मबियर गत बर्षको जनवरीमा उत्तर कोरियाको होटलबाट प्रोपोगाण्डा चिन्ह चोरेको आरोपमा पक्राउ परेका थिए ।
१५ बर्षको जेल सजायँ तोकिए पनि मानवअधिकारकर्मीहरुले उनलाई मुक्त गराएका थिए ।
तर जेलमा रहँदा नशालु औषधि बढी दिइएकाले उनलाई दिमागी असर परेको थियो । कोमामा पुगेका उनको उपचारकै क्रममा उनको मृत्यु भएको हो ।
उनको मृत्युमा अमेरिकी राष्ट्रपति डोनाल्ड ट्रम्पले शोक ब्यक्त गर्दै उत्तर कोरियाको क्रूर व्यवहारप्रति आक्रोश पोखेका छन् ।
ट्रम्पले अब अमेरिकाले उत्तर कोरियालाई नियन्त्रण गर्ने प्रतिक्रिया दिएका छन् ।
