ललितपुर । माओवादी केन्द्रका अध्यक्ष पुष्पकमल दाहालले काँग्रेसले जितेको ललिपुरबाट काँग्रेसको ठूलै नेता आफ्नो पार्टीमा भित्र्याएका छन् । कांग्रेसको महाधिवेशन प्रतिनिधि गणेशबहादुर केसीलाई दाहालले पार्टीमा भित्र्याएका हुन् ।
वुधबार बिहान ललितपुरको थासीखेलमा भएको कार्यक्रममा केसीसहित ३० बढी नेता–कार्यकर्ता माओवादी केन्द्रमा प्रवेश गरेका हुन् । कांग्रेसकै रामप्रसाद बजगाई, रमेश दाहाल, गुप्त बहादुर बराम, तीर्थराम महर्जन, नकुल महर्जन, रामबहादुर विक, गोविन्द प्रसाद दाहाल, श्याम तामाङ, सुजाता केसी, कुबेर बस्नेत, राजन केसी, भीमसेन सत्याल, रमेश घिमिरे, रबिन्स घिमिरे केसी, बालकृष्ण तिमिल्सिना, विजय बाँस्कोटा, दमन केसी, चन्द्र घले, गौबिर थापा, लालध्वज खतिवडा, टंकमणि सत्याल, रमेश शाही, गुरुकूल महर्जन, शान्तिदेवी बज्राचार्य, शिबकुमारी खकुरेल, दिपाकुमारी पौडेल, भगवती बिष्ट माओवादी केन्द्रमा प्रवेश गरेका छन् ।
एमालेबाट कृष्णप्रसाद घिमिरे, केशवप्रसाद तिमिल्सिना, सुरेश घिमिरे, केपी न्यौपाने, हरिहर पाठक, सानुकाजी महर्जन, रुपेश धिमाल, कर्मा शेर्पा माओवादी केन्द्रमा आएका छन् । अन्य पार्टीबाट माओवादीमा प्रवेश गर्नेहरुमा विनोद तिमिल्सिना, आशिषराज बस्नेत, भीमप्रसाद घिमिरे, अशोक महर्जन, ज्ञानकुमार महर्जन, श्यामकाजी महर्जन, सुरेश महर्जन, लवदेव अवस्थी, फडिन्द्र पाण्डे, छोटु लामा, जुनादेवी पराजुली लगायत रहेका छन् ।
माओवादी केन्द्र प्रवेश गर्ने नवआगन्तुक नेता–कार्यकर्तालाई पूर्वप्रधानमन्त्री एवं माओवादी केन्द्रका अध्यक्ष पुष्पकमल दाहाल र पार्टी प्रवक्ता पम्फा भुसालले खादा र टिका लगाएर पार्टी प्रवेश गराए । कार्यक्रममा ललितपुर जिल्लाबाट स्थानीय तह निर्वाचनमा विजयी जनप्रतिनिधिहरुलाई सम्मान पनि गरिएको थियो ।
