-
-
-
-
लन्डन । महिला विश्वकप क्रिकेटको उपाधि चौथो पटक इङल्याण्डले जितेको छ ।
आइतबार राति लन्डनमा भएको फाइनल खेलमा भारतलाई ९ रनले हराउँदै इङल्याण्डले उपाधि जितेको हो ।
२२९ रनको लक्ष्य पछ्याएको भारतले ४८.४ ओभरमा २१९ रनमात्रै बनाएर अलआउट भयो ।
भारतका लागि २८ वर्षीया ओपनर पुनम राउतले ८६ तथा हरमनप्रित कौरले ५१ रन बनाइन् ।
१९६ रन बनाउँदासम्म ४ विकेटमात्र गुमाएको भारतले त्यसपछि भने लगातार विकेट गुमाउँदा हारको सामना गर्नुपरेको हो ।
प्लेयर अफ द फाइनल एन्या श्रब्सोलले ६ विकेट लिइन् ।
यसअघि पहिले ब्याटिङ गरेको इङल्याण्डले ७ विकेटको नोक्सानीमा २२८ रन बनाएको थियो ।
