ट्रम्पले गरे गृह मामिला मन्त्रीमा जोन केलीलाई नियुक्त

प्रकाशित २०७४ साउन १४ शनिबार

वासिङटन। अमेरिकाका राष्ट्रपति डोनाल्ड ट्रम्पले शुक्रबार ट्विटमार्फत जोन केलीलाई गृह मामिला मन्त्रीमा नियुक्ति गरिएको सार्वजनिक गर्नु भएको छ । राष्ट्रपति ट्रम्पले राष्ट्रपति कार्यालय ह्वाईट हाउसका चिफ अफ स्टाफ राइन्स प्रिबसलाई हटाएर नयाँ गृह मामिला मन्त्री नियुक्त गरेका हुन् । प्रिबसको ठाउँमा जोन केलीलाई नियुक्त गरेको उनले ट्विटमार्फत् जानकारी दिएका छन् ।

ट्रम्पले ट्विटमा लेखे, “म विनम्रतापुर्वक जानकारी गराउन चाहन्छु की ह्वाईट हाउसको गृह मामिला मन्त्रीमा रुपमा जनरल सेक्रेटरी जोन एफ केलीलाई नियुक्त गरेको छु ।” “उहाँ एक दमै राम्रो अमेरिकी नागरिक हुनुहुन्छ, एकदमै राम्रो नेता हुनुहुन्छ, जोनले होमल्याण्ड सचिवको रुपमा एकदमै राम्रो काम गर्नुभएको छ,” उनले अगाडी थपे, “उहाँ मेरो प्रशासनको एउटा चम्किलो तारा हो । ”

“देशको लागि समर्पित भएको र सेवा गरेकोमा मैले राइन्स प्रिबसलाई धन्यबाद दिन चाहन्छु, उहाँको निपूर्णताको म गौरव गर्दछु,” बाहिरिदै गरेका कर्मचारी बारे ट्रम्पले भन्नुभएको छ । ट्रम्पले लेखे, “तर मलाई सफल बनाउनका लागि उहाँ जनरल जोन केली भन्दा राम्रो हुनुहन्छ भन्ने मलाई लाग्दैन । ”

ह्वाइट हाउसका नयाँ सञ्चार निर्देशकले सूचना चुहाएको अभियोग लगाएको भोलिपल्ट राष्ट्रपति ट्रम्पले प्रिबसलाई हटाएर केलीलाई नियुक्त गरेका हुन् । यसअघि ट्रम्पकै दबावमा उन सञ्चार सचिवले राजिनामा दिनु भएको थियो । राष्ट्रपतिका रुपमा ट्रम्पले जिम्मेबारी सम्हालेको ६ महिना मै आफैले नियुक्त गरेका धेरै सहयोगी तथा सल्लाहकारहरु विभिन्न कारणले बाहिरिएका छन् । सिन्ह्वा