-
-
-
-
काठमाडौं । युइएफए वर्ष फुटबल खेलाडीका लागि क्रिष्टियानो रोनाल्डो, लियोनल मेस्सी र जियानलुइजी बुफोनबीच अन्तिम भिडन्त हुने भएको छ ।
मनोनयनमा परेका १० खेलाडी मध्येबाट पोर्चुगल तथा रियाल मड्रिडका स्ट्राइकर रोनाल्डो, अर्जेन्टिना र बार्सिलोनाका स्ट्राइकर मेस्सी तथा इटाली र युभेन्टसका गोलरक्षक बुफोन अन्तिम तीनमा परेका हुन् ।
मनोनयनमा परेका १० खेलाडीबाट ८० जना प्रशिक्षक तथा ५५ जना खेल पत्रकारको मतका आधारमा उनीहर अन्तिम तीनमा परेका हुन् ।
मेस्सी र रोनाल्डो दुवैले यसअघि दुई पटक यो अवार्ड जितेका छन् भने रोनाल्डो गएको वर्षका विजेता हुन् ।
तीन खेलाडी मध्येबाट एक जनालाई आउँदो अगस्ट २४ मा मोनाकोमा हुने विशेष कार्यक्रममा अवार्ड प्रदान गरिने छ ।
बुफोन अन्तिम तीनमा पर्ने दोस्रो गोलकिपर हुन् ।
