चर्चाका तीन उपमहानगर : दुईमा एमाले र एउटामा राजपाकै अग्रता
प्रकाशित २०७४ असोज ७ शनिबार
319
Shares
काठमाडौं । प्रदेश २ मा बहुचर्चामा रहेका तीन उपमहानगरपालिकाको मतगणना जारी छ । बाराको कलैया र जितपुर सिमरा दुवै उपमहानगरमा एमाले अगाडि छ ।
कलैयामा एमालेका मेयर उम्मेदवार विनोद साहले ५ हजार २ सय ४६, संघीय समाजवादी फोरमका प्रमोद गुप्ताले ४ हजार ८ सय ३० र काँग्रेसका राजेशराय यादवले ४ हजार २ सय ४६ मत प्राप्त गरेका छन् ।
यस्तै, जितपुर सिमरा उपमहानगरमा एमालेका मेयर उम्मेदवार कृष्ण पौडेलले १२ हजार ८ सय ७२, काँग्रेसका कृष्णवरत सिंहले १० हजार ६ सय ६५ र माओवादी केन्द्रका राजन पौडेलले १० हजार २ सय १२ मत प्राप्त गरेका छन् ।
उता, धनुषाको जनकपुर उपमहानगरपालिकाको पछिल्लो मतपरिणाममा राजपा नेपालको अग्रता कायमै छ । राजपाका मेयर उम्मेदवार लालकिशोर साहले १६ हजार २८ मत ल्याएका छन् ।
काँग्रेसका मेयर उम्मेदवार मनोज साहले ७ हजार ९५ र एमालेका मेयर उम्मेदवार लक्ष्मीनारायण भगतले २ हजार ६ सय ९८ मत प्राप्त गरेका छन् ।
यस्तै, उपमेयरमा राजपा नेपालकी उम्मेदवार रीता झाले १२ हजार २ सय ७७ र काँग्रेसका तर्फबाट उपमेयर उम्मेदवार लिलम कर्ण ६ हजार ७ सय ४ मत ल्याएका छन् । त्यस्तै एमाले उम्मेदवार पुनम मिश्र २ हजार ७ सय ४७ मत ल्याएकी छन् ।
