यु–१९ युथ एसिया कप क्रिकेटः नेपाल र अफगानिस्तान मैदानमा, नेपाल ब्याटिङमा
प्रकाशित २०७४ मंसिर १ शुक्रबार
149
Shares
क्वालालम्पुर । एसीसी यु–१९ युथ एसिया कप क्रिकेट प्रतियोगिताको दोस्रो सेमिफाइनलमा नेपाल र अफगानिस्तानबीचको खेल भइरहेको छ ।
मलेसियाको किन्रारा ओभलमा सुरु भएको खेलमा नेपालले टस हारेर पहिले ब्याटिङ गरिरहेको छ ।
जितेन्द्र सिंह र आशिफ शेखले नेपाली इनिङ सम्हालिरहेका छन् ।
नेपालको अफगानिस्तानविरुद्धको विगत त्यति राम्रो छैन । तर शुक्रबारको बिहानी सत्रले अफगानिस्तानले वर्तमानमा अगाडि बढ्न वाध्य हुने आशा गरिएको छ ।
नेपाल र अफगानिस्तान दुवै पहिलो पटक फाइनलमा पुग्ने सुरमा छन् ।
नेपालले समुह चरणमा भारत र मलेसियालाई हराएर समुह उपविजेता बन्दै सेमिफाइनलमा पुगेको हो । अफगानिस्तान भने अर्को समुहको विजेता बन्दै सेमिफाइनलमा पुगेको हो ।
यो खेलको विजेताले फाइनलमा पाकिस्तानको सामना गर्नेछ । पाकिस्तानले बिहीबार बंगलादेशलाई २ रनले पराजित गर्दै फाइनलमा स्थान बनाएको हो ।
पहिलो पटक सेमिफाइनल खेलिरहेको नेपालले फाइनल पुगेर इतिहास रच्न चाहन्छ ।
