- सुन चाँदी दर
- विनिमय दर
- नेपाली पात्रो
- राशिफल
लिबाङ, रोल्पा । चुनावी सभालाई सम्बोधन गर्न रोल्पा पुगेका प्रधानमन्त्री शेरबहादुर देउवाले अब रोल्पाकै जनता रोल्पाको मालिक बन्ने बताएका छन् ।
निकै छोटो सम्बोधन गरेको देउवा जम्मा १५ मिनेट जति मात्रै लिबाङमा रहे । उनले भने, ‘सधैँभरी अर्काको दास बन्नु पर्दैन । अब रोल्पाका जनता आफै मालिक बन्नेछन् ।’ प्रधानमन्त्री देउवाले ‘द्वन्द्वले सबैभन्दा बढी क्षति पुगेको जिल्ला नै रोल्पा हो । ध्वंश गर्नेहरुले जिल्ला बनाएनन्’–भनेका छन् ।
रोल्पाको विकास र समृद्धिका लागि काँग्रेस प्रतिवद्ध रहेको बताउँदै प्रधानमन्त्री देउवाले डर र त्रासको अवस्थाको अन्त्य हुने उल्लेख गरे । उनले भने, ‘प्रजातन्त्र स्थापनाका लागि लडेको काँग्रेसले मात्रै मुलुक समृद्धिमा लैजान सक्छ ।’ अहिले कम्युनिष्टहरु एक भएर सत्ता हत्याउने खेलमा लागेको भन्दै देउवाले कम्युनिष्ट शासन आए उही पूरानै डर, त्रास र धम्कीको स्थिति बन्ने बताए ।
एमाले अध्यक्ष केपी ओलीले चुनाव सार्न खोजेको भन्दै प्रचार गर्दै हिँडेको र चुनाव सार्ने चाहाना ओलीकै रहेको तर्क गरे । उनले भने, 'अाेलीले हिजोआज सपनामा पनि चुनाव सारेकाे देख्छन् ।'